Stade Armand-Cesari : vive réaction du Sporting Club de Bastia
(A redazzioni d'Alta Frequenza) - U Sporting Club di Bastia lasciarà quandi ch'ella hè pussibuli i so lochi di u Stadiu Armand-Cesari vistu l'impussibulità d'intrattena un stadiu dighjà trapassatu è micca adattatu, eccu l'annunziu forti di a cunfarenza di stampa tinuta stamani (marcuri) da i dirighjenti di a squadra. Quissa quì, in riazzioni dopu à quilla di a Cumunità d'Agglumerazioni di Bastia, hè stata propiu uffensiva di pettu à i detti di a CAB di issu luni. I dirighjenti ani spiecatu infatti chì u ricusu di un affittu enfiteoticu, o in tutti i casi di una cunvenzioni d'accupazioni à longu andà parmittendu à a squadra di principià travaghji inde issu stadiu, custituisci una dicisioni gravi è incuscenti di i cunsiquenzi nant'à l'avvena di a squadra. I dirighjenti ani pricisatu dinò ch'elli erani stati cuntattati da a Lega di Ballò Prufessiunali chì hà dittu chì a CAB avia mal capitu ciò chì era statu dittu duranti a riunioni trà i dui partiti, frà altru nant'à a "Licence Club". Da nutà chì dumani à 6 ori è mezu di sera, i dirighjenti dani appuntamentu à i sustenidori ind'a Tribuna Sud d'Armand-Cesari pà spiecà li di manera ditaghjata u cartulari.
Écoutez le président du Sporting, Pierre-Marie Geronimi.
Sur le même sujet
