Statut de co-officialité de la langue corse: "discriminatoire" selon la Gauche Républicaine
(A redazzioni d'Alta Frequenza) - À calchì ora di u dibattitu inghjiru à a cuufficialità di a lingua corsa, u gruppu Gauche Républicaine hà datu una cunfarenza di stampa pà prisintà a pusizioni ch’ellu difindarà davanti à l’assemblea di Corsica. Ùn hè micca daveru una surpresa, s’è u gruppu chjama cù una voghja tamanta un statutu in leia cù a visioni di François Hollande nant’à a quistioni di i lingui righjunali, ùn pensa micca ch’ellu sia u casu cù u prughjettu prisintatu. Sicondu ellu, in fatti, issu statutu hè discriminatoriu è ùn pò micca essa accittatu da u Statu parchì a cuufficialità ùn pò sbuccà cà nant’à un fiascu. Issu statutu, priciseghja u gruppu Gauche Républicaine, batti à prò di una cugestioni di l’educazioni naziunali, di fà di u corsu a lingua duminanti di i media o ancu di favurizà u corsu inde a cultura. Com’è si vedi è com’è si senti, sò punti di crispazioni chì sarani difficiuli à caccià com’è a ci dici François Tatti, presidenti di u gruppu.
Ecoutez-le.
Sur le même sujet
