Statut de résident: incontournable pour Jean-Guy Talamoni
(A redazzioni d'Alta Frequenza) - N'emi dighjà parlatu ind'i nostri nutiziali scorsi, u statutu di residenti era in dibattitu sabbatu in Bastia. Rispunsevuli pulitichi, sindicali di parechji sinsibulità, ma dinò parsoni di a sucità civili aviani rispostu à a chjama di a Liga di i Diritti di l'Omi pà scambià annant'à ssu tema assai impurtanti. Ùn hè micca veramenti una surpresa, u statutu di residenti stessu hà fattu guasgi l'unanimità ind'i sfarenti intarvinanti, ma a quistioni di l'integrazioni di i corsi di fora à ssu statutu crea un prublema inveci. À mezu à quilli à prò di ssu statutu, è aldilà, di un'integrazioni di i corsi di fora, c'era ben intesu Corsica Libera.
Steti à senta à Ghjuvan Guidu Talamoni chì difendi ssa pusizioni dipoi parechji anni.
