Statut de résident: l'œil de François Viangalli, maître de conférences en droit privé
(A redazzioni d'Alta Frequenza) - Sabbatu, in Bastia, un dibattitu annant’à u statutu di residenti hè statu urganizatu da a Liga di i Diritti di l’Omi. Ci ani participatu rispunsevuli pulitichi, sindicali di parechji sinsibulità, ma dinò parsoni di a sucità civili. È s’è u statutu di residenti stessu hà fattu guasgi l’unanimità ind’i sfarenti intarvinanti, a quistioni di i corsi di fora hà inghjinnatu inveci parè diversi. À mezu à i parsoni prisenti à a tribuna duranti ssu dibattitu, François Viangalli, corsu è maestru di cunfarenzi in dirittu privatu à l’università di Grenoble. Quissu quì ùn s’hè micca lanciatu ind’un’analisi pulitica, ma propiu ind’un asamini pà sapè s’è ssu statutu di residenti si pudia fà, è hà dittu chì à u nivellu di u dirittu aurupeu, ùn c’hè nisun ostaculu contr’à ssu statutu com’ellu hè statu vutatu. Malgradu tuttu, sempri à u nivellu di u dirittu, l’integrazioni di i corsi di fora à u dispusitivu pudaria essa difficiuli.
Steti à senta à François Viangalli.
Sur le même sujet
