Statut de résident: la position de la section Corse de la LDH
(A redazzioni d'Alta Frequenza) - Hè dunqua à partasi d'oghji (ghjovi) ch'ella principia a sissioni à l'Assemblea di Corsica duva sarà dibattutu u rapportu annant'à a prutezzioni di u patrimoniu fundariu; si tratta, ben intesu, di u famosu statutu di residenti. L'essenziali di u dibattitu sarà dunqua inghjiru à ssa nuzioni quì, è inghjiru à certi cuncetti com'è "dirittu prifarinziali", "appartinenza corsa", o "parsona attaccata à u tarritoriu corsu". A difficultà a più maiò di u dibattitu sarà di sicuru di difiniscia cosa sarà esattamenti a seria di criterii nicissarii chì parmittarà di sapè di manera cuncreta quali hè chì hè ind'u so dirittu o micca. L'uppunenti à ssu prughjettu chì si sò mossi dighjà ani missu in evidenza l'icustituziunalità di ssu prughjettu, è ben intesu u fattu chì l'istanzi aurupei ùn lu pudariani micca accittà. Emi dighjà intesu Henri Malosse, u presidenti di u Cumitatu Ecunomicu è Suciali Aurupeu, annant'à ssu blucchimi chì par ellu ùn asisti micca.
Steti à senta oramai a pusizioni di a Lega di i Diritti di l'Omi di Corsica, cù André Paccou.
Sur le même sujet
