Statut de résident : le TA prône l'annulation des délibérations de quatre communes
(A redazzioni d'Alta Frequenza) - Ssu ghjovi in u tribunali amministrativu di Bastia, i deliberazioni di quattru cumuni di Corsica Suttana nant'à u statutu di residenti sò stati asaminati da u tribunali amministrativu. U prifettu di Corsica hà cuntistatu i deliberazioni d’Ambiegna, Lopigna, Ortu è Granace. S'è pà ss'ultima, u rapurtadori publicu hà dumandatu ch'ella ùn sighi micca validata par via di l'assenza di ghjustificazioni, pà i trè altri cumuni, chì aviani ghjustificatu a so deliberazioni annant'à l'altari di a speculazioni immubiliari è di a prutezzioni di u patrimoniu, u rapurtadori publicu hà dumandatu dinò ch'elli ùn sighini micca validati, ma quì par via di u fattu chì ssi cumuni si ghjuvariani di un puteri legislativu ch'elli ùn ani micca. Annant'à u fondu, hè stata ditta da u rapurtadori publicu chì u statutu di residenti com'ellu hè sustinutu, vali à dì pà luttà contr'à a speculazioni immubiliari è pruteghja l'accessu à a pruprietà di i residenti ùn pò micca viaghjà cù u dirittu di pruprietà com'ellu hè cuncipitu da a dichjarazioni di i diritti di l'omu. A dicisioni sarà cunnisciuta u 25 di farraghju.
Sur le même sujet
