Statut de résident: quels droits pour la diaspora?
(A redazzioni d'Alta Frequenza) - Sabbatu, in Bastia, un dibattitu annant’à u statutu di residenti hè statu urganizatu da a Liga di i Diritti di l’Omi. Ci ani participatu rispunsevuli pulitichi, sindicali di parechji sinsibulità, ma dinò parsoni di a sucità civili. È s’è u statutu di residenti stessu hà fattu guasgi l’unanimità ind’i sfarenti intarvinanti, a quistioni di i corsi di fora hà inghjinnatu inveci parè diversi. Pà contu soiu, Edmond Simeoni incuragisci ssi sfarenti dimarchji di dialogu inghjiru à ssu cartulari cusì difficiuli di u statutu di residenti. Par ellu, a sucità civili si devi impatrunscia di ssu dibattitu. Parechji prublemi devini essa arrigulati, com’è unu in particulari dunqua : i corsi di fora t’ani o micca i listessi diritti cà quilli chì stani tutta l’annata in Corsica ?
Steti à senta à Edmond Simeoni.
