Statut fiscal et social de la Corse : irréaliste selon la CGT de Haute-Corse
(A redazzioni d'Alta Frequenza) - In fin di simana scorsa, Ghjuvan Guidu Talamoni, u presidenti di l’Assemblea di Corsica, hà lanciatu cuncertazioni cuncirnendu u so prughjettu di statutu fiscali è suciali pà a Corsica, duranti dui tappi in a Camara di Cummerciu è d’Industria di Corsica Suprana, eppo inde l’IMF di Borgu davanti à assai mondu. U scopu di ssa cuncertazioni hè di rinfurzà i basi di ssu statutu è d’ascultà l’idei chì u poni arricchiscia. S'ella c'hè un'entità chì hà fattu cunnoscia i so riservi putenti cuncirnendu u prughjettu di statutu fiscali è suciali mentri ssi cuncertazioni, hè a CGT di Corsica Suprana. In fatti, pà u sindicatu, ssu prughjettu tocca ciò chì ùn hè micca rialistu, circhendu un'indipindenza finanziaria di pettu à a Francia chì a Corsica ùn avaria micca i mezi d'avè sicondu u sindicatu.
Steti à senta à Jean Pierre Battestini pà a CGT di Corsica Suprana.
