Statuts des personnels des CFC : un exemple à suivre pour d'autres types de transports
(A redazzioni d'Alta Frequenza) - U STC duranti una cunfarenza di stampa stamani (marti) hà fattu sapè a so suddisfazioni dopu à l'accordu di u 4 di lugliu trà u presidenti di l'Uffiziu di i Trasporti di a Corsica Paul-Marie Bartoli, è u dilegatu sindicali di u STC Camini di Fattu Charles Finidori, pà ciò chì tocca à i statuti di i parsunali di i Camini di Farru di a Corsica. Issi statuti, chì sarani vutati da l'Assemblea di Corsica di ghjinnaghju di u 2013, sò frutti di dui anni di neguziazioni forti ma curretti trà i dui partiti, u sindicatu avendu trattatu direttamenti cù l'azziunariu di ciò chì hè oramai una sucità anonima d'ecunumia mista. Avanzati impurtanti sò da nutà, pà u sindicatu, ind'i duminii di a saluta, di a prutezzioni suciali, nant'à u priveda, di a furmazioni è di a demucrazia suciali. Dinò, a paga di i parsunali chì sarà stabilita da quì à pocu è chì sarà à u minimu para à quilla d'avà, è què senza sclassificata categuriali. Iss'accordu, storicu pà u sindicatu, pudaria ghjapra a porta ad altri suluzioni, stavolta quì inde l'aereu è u maritimu, duva i rilazioni cù l'azziunarii sò di più disturbati, è dinò à una cumplementarità trà mezi di trasportu.
On écoute Alain Mosconi, toujours pour le STC.
