Stratégie du logement d'abord : le nécessaire accompagnement des ménages concernés
(A redazzioni d'Alta Frequenza) - Eri dopu meziornu (luni), u prifettu di Corsica Patrick Strzoda avia adunitu frà altru à u Palazzu Lantivy associ, cullettività lucali è servizii di vicinanza di u Statu pà una riunioni di prisintazioni di a strategia ditta di l’alloghju prima. Di pettu à a prissioni criscenti di l’urghjenza, l’idea hè di mighjurà u serviziu resu à i senza alloghji o à i parsoni chì pudariani cascà in issa situazioni, dendu a priurità à l’azzioni andendu à prò di l’accessu direttu à l’alloghju. Frà i numarosi attori aduniti inghjiru à u prifettu di Corsica, erani prisenti quilli di u mondu assuciativu, com’è Danielle Caitucoli, presidenti di a Fraternité du Partage. Pà iss’ultima, un grossu prublema ferma sempri à traversu à i sfarenti misuri di issa strategia : a mancanza di servizii d’accumpagnamentu dopu à alloghju com’elli ci volini. Un arnesi indispinsevuli pà ella da favuriscia u riinserimentu pienu è sanu di i parsoni cuncirnati.
Écoutez Danielle Caitucoli
Sur le même sujet
