Subdélégation : satisfaction pour Antoine Sindali
Photo Facebook Antoine Sindali
(A redazzioni d'Alta Frequenza) - L'Assemblea di Corsica hà dunqua aduttatu vennari scorsu una deliberazioni annant'à a sottu dilegazioni à u pruprietariu novu futuru di a SNCM di u serviziu marittimu lacatu da a cumpagnia in difficultà. Ramintemi chì u 10 di ghjunghju, u tribunali di cummerciu di Marseghja scigliarà quillu chì ripighjarà a SNCM è chì a CMN sola ùn pudarà micca assuma tutta a dilegazioni di serviziu publicu. A parti di a dilegazioni ch'ella t'avia a SNCM sarà dunqua resa à ssu pruprietariu, una sottu dilegazioni dunqua. S'è ssu muntami ricevi prima l'accordu di l'assemblea di Corsica dopu a scelta di u pruprietariu, eppo di l'autorità di u Statu è di l'Auropa, ùn si trattarà micca malgradu tuttu di una situazioni difinitiva. Tuttu sarà rimissu à nivellu un antru annu, duranti una chjama à l'ufferti nova. Ssa suluzioni hà ricivutu l'accordu di tutti i gruppu pulitichi di l'Assemblea di Corsica, fora di i cumunisti è di Paul Félix Benedetti.
Steti à senta à Tony Sindali, pà u gruppu liberali; cunnosci strabè ssi quistioni par avenni avutu a rispunsabilità duranti a mandatura scorsa.
