Succès toujours au rendez-vous pour la station de ski du Val d'Ese
(A redazzioni d'Alta Frequenza) - A prima di i dui sittimani di i vacanzi d’inguernu si compii in Corsica, è c’hè di più in più mondu ind’a piccula stazioni di ski di u Val d’Ese in Bastelica. S’è l’età mezana hè di 25 anni, certi famighji collani dinò elli pà ssi pisti pà pudè cunnoscia u piacè di i sculisciati. U successu hè dunqua sempri quì, ancu s’è no sapemi bè chì Ese ùn hà ancu i mezi d’avè ambizioni più maiò. I strutturi d’accolta in risturazioni pà i famighji par asempiu ùn bastani micca, mentri chì a taglia stessa di i lochi pà a pratica di u ski faci chì quilli chì t’ani un nivellu altu ùn si facini micca prigà pà parta in cuntinenti.
Steti à senta à Antoine Bernardini, u direttori di a stazioni di u Val d’Ese.
