Suites du derby SC Bastia - AC Ajaccio : verdict de la LFP
(A redazzioni d'Alta Frequenza) - A cummissioni di disciplina di a Lega di Ballò Prufessiunali hà asaminatu l'incidenti di u derby trà u Sporting Club di Bastia è l'AC Aiacciu di sabbatu scorsu. Pà ciò chì tocca à l'incidenti dopu à a partita trà di i sustenidori di i dui clubs, a LFP hà sceltu di metta u cartulari in struzzioni, una prucedura nurmali di fattu. Pà ciò chì tocca à i ghjucadori, hè un attori chì hà ghjucatu mancu una minuta chì ricevi a sanzioni a più maiò, postu chì Gaël Angoula, u difensori di u Sporting, hè statu suspesu di manera cunservatoria fin'è u 28 di marzu, data di a dicisioni difinitiva di a LFP nant'à u so contu, pà un colpu datu à Samuel Bouhours duranti a baruffa à a fin di a partita. Jérôme Rothen, da u cantu bastiacciu, è Benjamin André, da u cantu aiaccinu, sò suspesi trè partiti, è u bastiacciu Florian Thauvin hè suspesu un scontru sempri ind'u quadru di l'avenimenti à a fin di a partita. I dui aiaccini spulsati ind'u ghjocu, Dennis Oliech è Matthieu Chalmé, sò suspesi di modu respettivu pà trè partiti frà i quali una di modu attimpatu, è pà una partita.
Sur le même sujet
