Supporter du SC Bastia éborgné à Reims : réaction du club
(A redazzioni d'Alta Frequenza) - In un cumunicatu, u SC Bastia priciseghja ch'ellu "hà imparatu stupitu chì unu di i so sustenidori hà persu a vista à un ochju duranti incidenti cù i forzi di l'ordini chì sò accaduti arisera in Reims trà u stadiu è a cità, dopu à un scontru chì, à parè di tutti, s'hè passata senza prublema. U Club voli manifistà à ssu sustenidori, è à l'altri feriti frà i quali unu rinvirsciatu da una vittura di pulizza, u so sustegnu amichevuli è pienu. In più di què, malgradu provi senza piantà rializati arisera ind'è l'auturità lucali, u SCB trova ch'ellu ùn si pò adimetta chì, 16 ori dopu à i fatti, i parsoni chì erani cù i sustenidori sò sempri in guardia custodia in Reims ùn avissini pussutu uttena mancu un'infurmazioni pricisa nant'à u principiu è a gistioni di ss'incidenti. U Sporting dumanda chì tuttu u lumi sighi fattu subbitu nant'à i circustanzi di ssi viulenzi è sarà raprisintatu par quissa dumani (luni) sopralocu".
