Suspicion d'un cas de chikungunya en Haute-Corse
(A redazzioni d'Alta Frequenza) - Un casu suppostu di chikungunya hè statu annunziatu oghji (vennari) à l'autorità di a saluta corsi. Si tratta di un casu pussibuli impurtatu di chikungunya di una parsona chì stà in Siscu, in Capicorsu, eppo dinò vicinu à a piazza di u marcatu in Bastia, è chì hà passatu i so vacanzi in Guadaluppa induva l'epidemia hè impurtanti. Ssa parsona t'avaria tutti i segni di a malatia. In privenzioni, uparazioni di trattamenti chimichi sò stati privisti in Siscu. Di fattu, i servizi di u Cunsighju Ghjinirali di Corsica Suprana diffusarani trattamenti contr'à i zinzali stasera annant'à a cumuna è dumani matina à bon'ora annant'à a piazza di u marcatu in Bastia. I cunclusioni difinitivi pà ssu casu suppostu di chikungunya duvariani essa cunnisciuti da quì à una sittimana.
Sur le même sujet
