Syndicats : le désamour...
(A redazzioni d'Alta Frequenza) - I sindicati CGT, FSU è Force Ouvrière, à l'uccasioni di una cunfarenza di stampa data stamani (luni), ani tiratu à balli rossi nant'à l'accordu naziunali interprufessiunali firmatu l'11 di ghjinnaghju. Iss'accordu intitulatu "pà un novu mudelu ecunomicu è suciali à u serviziu di a cumpetitività di l'intrapresi è di a securisazioni di l'impiecu è di i parcorsi prufessiunali di i salariati" hè statu firmatu rammintemu la da a CFDT. Iss'accordu, ani pricisatu i sindicati stamani, custituisci daveru à parè soiu un intarru di prima trinca di u dirittu suciali chì urganizeghja u funziunamentu di a vita publica dipoi una bella cinquantina d'anni. Ùn emi micca da entra ind'i ditaghji di issu ducumentu, vistu ch'ellu hè propiu cumplessu, ma parechji punti di quissu quì punariani à parè di a CGT, a FSU è FO prublemi gravi di custituziunalità. Prima tappa di un grandi muvimentu di cuntestazioni dumani cù arresti di travaghju è manifestazioni prugrammati. Iss'accordu, sicondu i trè sindicati, custituisci guasgi un ritornu à a schjavitù, parchì a CFDT s'hè trova in pusizioni finalmenti di neguzià u pesu di i cateni. Parolli assai assai forti, chì Paul Giacomoni assumi di modu pienu.
Ecoutez-le.
Sur le même sujet
