TA de Bastia : le rapporteur public conclut à l'annulation totale du PLU d'Ajaccio
(A redazzioni d'Alta Frequenza) - U rapurtadori publicu di u tribunal amministrativu di Bastia hà dumandatu ssu ghjovi l'annulazioni tutali di u Pianu Lucali d'Urbanisimu d'Aiacciu. Pà ciò chì cuncerna dui dumandi prisintati di manera rispittiva da dui sucità, a camara d'agricultura di Corsica Suttana è l'associu U Levante, u rapurtadori publicu hà stimatu ch'elli erani fundati, in tutti i casi di manera parziali, i mezi tirati di a viulazioni di dui articuli di u codici di l'urbanisimu rilativi à a prutezzioni di i tarri cù una putenzialità agricula forti, di a viulazioni di un antru articulu di u codici di l'urbanisimu rilativu à a sparghjera limitata di l'urbanisazioni in zoni liturali è di a viulazioni di un antru articulu di ssu litessu codici rilativu à a prutezzioni di i spazi rimarchevuli, è in seguita, hà cunclusu l'annulazioni parziali di u PLU postu chì a classifica di parechji tarreni in zoni duv'ellu hè pussibuli di custruiscia ùn era micca legali. Infini, pà ciò chì tocca dui altri dumandi, prisintati da particulari, u rapurtadori publicu hà stimatu chì dui vizii tuccavani a rigularità di a prucedura d'elaburazioni di u PLU, vali à dì un'assenza di cuncertazioni ind'a siconda fasa è l'assenza di cumunicazioni à i membri di u cunsighju municipali di a nota spiegativa di sintesi. Hà stimatu dunqua chì ssi dui irregularità, ch'ellu hà qualificatu di sustenziali, inghjennani, in cunsiquenza, l'annulazioni tutali di u PLU d'Aiacciu. U ghjudiziu sarà resu u 16 di dicembri.
Sur le même sujet
