Taux d'élucidation des affaires criminelles : la réponse de Christiane Taubira
(A redazzioni d'Alta Frequenza) - U pizzonu di a ghjurnata, s'è no a pudemi dì cusì, era custituitu da a cunfarenza di stampa data da i ministri di l'Internu è di a Ghjustiza, Manuel Valls è Christiane Taubira in prifittura di Corsica oghji (ghjovi), dopu à l'assassiniu di u presidenti di a CCI di Corsica Suttana, Jacques Nacer, marcuri à sera in Aiacciu. Cunfarenza di stampa trà virguletti postu ch'ellu hè sempri difficiuli inde issu gennaru di circustanzi, assai quadrati è cù un tempu di parolla limitatu, d'andà veradimenti ind'a rialità è ind'a prufundezza di i cosi. Situazioni ammintati da luntanu, ghjudizii fatti à l'infuria è cunclusioni fatti troppu à lestra facini dunqua parti com'è sempri di issu gennaru d'eserciziu è Manuel Valls ùn hà micca cambiatu l'affari. Christiane Taubira hè stata appena disturbata pà contu soiu da a stampa nant'à i risultati propiu debbuli arrighjistrati da a JIRS è frà altru nant'à u tassu d'affari risuluti, chì pari ch'ellu fussi di quattru nant'à sissanta.
Écoutez la ministre de la Justice.
Sur le même sujet
