Tentative d'assassinat à Sartène
(A redazzioni d'Alta Frequenza) - C'hè stata una prova d'assassiniu stamani (sabbatu) in Sartè. Un omu s'hè fattu tirà à dossu da unu o parechji tiradori; a so vittura hè stata imballinata. Sicondu i servizi di a prifittura di Corsica, a vittima, cuscenti, avaria chjamatu ella stessa i succorsi. Hè stata ferita in parechji lochi, à a manu è à a spalla. L'omu hè statu presu in carica da i spignifochi eppo purtatu à l'uspidali. Ùn c'hè nisun elementu in più par avà cuncirnendu i circustanzi di ssi fatti.
Sur le même sujet
