Tentative d'assassinat contre Pierre Casanova : Henri Palazzo était visé, selon Corsica Libera
(A redazzioni d'Alta Frequenza) - Nova prova d'assassiniu arimani (marcuri) in Corsica Suprana. Pierre Casanova, membru di Corsica Libera, hè statu toccu da i tiri di dui omi in motò, mentri ch’ellu vultava da corsi pà u so travaghju ind'a matinata. Ùn hè statu toccu cà pocu. Un'inchiesta cù cummissioni rugatoria hè stata aparta da a pulizza ghjudiziaria pà prova d'assassiniu, a vittima ùn avendu micca postu una lagnanza. Si ni sà di più oramai, è pari d'appressu à Corsica Libera chì tinia una cunfarenza di stampa oghji, ch'ellu ùn sighi micca a parsona chì duvia essa tocca. U partitu dici ch'ellu si trattava di u membru di u so esecutivu è pruprietariu di a residenza albergu duva a vittima travaghja, Henri Palazzo. Iss'ultimu hà cunfirmatu ch'ellu avia impristatu eccezziunalmenti a so vittura à u so amicu pà cumprà u pani pà u sdighjunu di i clienti. Aldilà di i fatti, Corsica Libera, parlendu di militanti chì ùn ani nulla à rimpruvarà si, hà pricisatu chì Henri Palazzo ricevi rigularmenti minacci dipoi a so intrata inde l'esecutivu di u partitu di lugliu scorsu, è chì una prova d'attentatu contr'à a residenza era stata schisata di marzu. U partitu hà rializatu un'analisi, è pensa chì à traversu à iss'attu quì, hè Corsica Libera chì hè ind'a mira, par via di i so pusizioni chì pudariani minaccià intaressi "pulitchi, ecunomichi è maffiosi". Corsica Libera chjama a sucità Corsa sana à ricusà a so "duminazioni da l'intaressi maffiosi".
Écoutez Henri Palazzo, déterminé à perpétuer son engagement.
Sur le même sujet
