Tentative d'homicide à Sartène : début de l'enquête
(A redazzioni d'Alta Frequenza) - Antoine Nicolai, omu d'una sissantina d'anni, hè statu feritu da balli da unu o parechji tiradori eri dopu meziornu (ghjovi) in Sartè. Hè statu toccu cà pocu à i ghjambi. A vittima, chì cansava a so vittura ind'u centru di a cità, hè stata salva solu parchì hà riisciutu à scappà. Hè stata purtata à l'uspidali di Sartè dopu essa stata presa in carica da i succorsi. Una vittura brusgiata hè stata ritrova annant'à a strada di Livia. Pudaria essa quilla di u o di i tiradori. Antoine Nicolai era statu cundannatu pà un assassiniu, quillu di Jean Marie Gorovenko, in u 1996, un assassiniu ch'ellu avia sempri nigatu. Avia presu 15 anni di prighjoni in u 2001, eppo in u 2002, è libaratu guasgi 3 anni fà. L'inchiesta hè rializata à tempu da a pulizza è a gendarmeria.
Sur le même sujet
