Tentative d'homicide au sud de Bastia
(A redazzioni d'Alta Frequenza) - Un omu hè statu feritu da balli ssu marti à sera versu ottu ori è mezu vicinu à u quartieru di Lupinu, à u meziornu di Bastia (Corsica Suprana). D'appressu à i primi elementi racolti, i fatti sariani accaduti à u seiesimu pianu di una residenza. Sicondu a prifittura di Corsica, a vittima saria stata tocca da un tiru solu di chevrotine. Feritu à u bracciu, a so vita ùn saria micca in periculu. L'autori di ssi fatti, chì saria cunnisciutu da a vittima, hè scappatu; un'arma hè stata ritrova da l'inchiestadori. Saria, sempri sicondu i servizii prifitturali, un affari di dirittu cumunu. Un'inchiesta hè stata aparta.
Sur le même sujet
