Territoriales : Camille de Rocca Serra offensif en meeting à Bastia
(A redazzioni d'Alta Frequenza) - Primu grandi meeting di campagna ssu luni pà a lista Rassembler pour la Corse purtata da Camille de Rocca Serra. Un meeting cù un tonu assai punchy, pà l’amatori d’anglicisimi. Nanzi à u discorsu di Camille de Rocca Serra, urientatu dinò ellu pà una parti in ssa direzzioni, sò stati numarosi i so cumpagni di lista ad avè criticatu di una manera putenti à Paul Giacobbi, ripighjendu tutti u tarmini di sistema pà qualificà a so mandatura, cù fiacchini propiu secchi di Jean Martin Mondoloni par asempiu. S’hè incalcatu annant’à u latu ecunomicu di u prugramma, cù una brama di una pulitica ambiziosa in u duminiu di i trasporti, a suppressioni prugressiva di a tassa trasporti essendu pruposta. Dinò, senza essa statu citatu di una manera pricisa, certi ani amintatu à José Rossi, un cuncurrenti chì Jean Jacques Panunzi, chì ùn si saria micca scurdatu di l’episodiu di l’alizzioni di u presidenti di u cunsighju dipartimintali di Corsica Suttana, spera chì « cù l’età, ùn duvaria più pighjà stradi scuri è micca sicuri ».
Steti à senta à Camille de Rocca Serra, chì volta annant’à u cartulari di l’unioni di a diritta ma dinò annant’à quillu di a SNCM.
Sur le même sujet
