Territoriales : dernier meeting survolté pour Pè a Corsica
(A redazzioni d'Alta Frequenza) - Un publicu ghjuntu assai assai numarosu pà l’ultimu meeting di a lista Pè a Corsica pà ssi tarrituriali. Josepha Giacometti, Marie Antoinette Maupertuis, Jean Christophe Angelini, Jean Guy Talamoni è Gilles Simeoni ani presu a parolla davanti un publicu induv’elli c’erani cumpagni di a lista o amichi di Jean Charles Orsucci è Emmanuelle de Gentili, com’è Annonciade Niellini, prisenti à u primu rangu è cunsighjera tarrituriali chì era à l’ottesimu postu annant’à a lista Orsucci. Ditagli di un prugramma ghjiratu ver di u suciali è l’ecunumia sò stati prisintati da i quattru primi, chì ani ramintatu a so arradichera, putentissima pà certi, à a Corsica com’è un populu è una nazioni, è fiacchini mandati à Paul Giacobbi è José Rossi. Infini, Gilles Simeoni hà cunclusu cù un discorsu menu puliticu cà ghjiratu ver di a storia, vultendu à l’epica di a Corsica di Pasquale Paoli cù un missaghju unicu : l’alittori devi pinsà torna à a storia di a Corsica è dissi chì u so bigliettinu hà da decida di l’avvena di a Corsica.
Steti à senta à Gilles Simeoni, u capimachja di a lista Pè a Corsica.
