Territoriales : Emmanuelle de Gentili reçoit l'investiture du Parti socialiste
(A redazzioni d'Alta Frequenza) - In un cumunicatu, Christophe Borgel, u secretariu naziunali di u Partitu sucialistu in carica di u polu « Animazioni, Alizzioni è Vita di u Partitu », annunzia chì u PS « hà dicisu d’accurdà à Emmanuelle de Gentili, l’investitura pà purtà una lista inghjiru à u Partitu sucialistu duranti l’alizzioni tarrituriali in Corsica di dicembri ». Emmanuelle de Gentili hè in carica in fatti « d’aduniscia u più largamenti pussibuli, t’hà a rispunsabilità di purtà i discussioni cù tutti quilli chì pudariani participà à una lista cù tutti i prugressisti », cuntinueghja Christophe Borgel. « Ssa dimarchja hè aparta è u Partitu sucialistu voli purtà pruposti chì parmettini ss’adunita ». « Ss’investitura cunfirmeghja u sustegnu di u Partitu sucialistu à a dimarchja regiunalista in un quadru republicanu iniziata da i dui federazioni di Corsica Suttana è di Corsica Suprana », compii quissu quì.
