Territoriales : Emmanuelle de Gentili veut un changement de gouvernance
(A redazzioni d'Alta Frequenza) - In fin di sittimana scorsa, in una sala pulivalenti di Lupinu bè impiuta, Emmanuelle de Gentili è Jean Baptiste Luccioni ani urganizatu un meeting di campagna in Bastia. L’uccasioni pà i candidati di u Partitu Sucialistu è i so cumpagni di lista com’è Hyacinthe Mattei è Ange Pierre Vivoni di sviluppà un prugramma assai ghjiratu ver di l’ecunumia è u suciali, pà rinviviscia a Corsica. « Nè suvvenzioni, nè impieghi à rigalà », ss’infrasata d’Ange Pierre Vivoni hè stata a prima di parechji attacchi putenti ver di un avversariu di quali u nomu ùn hè mai statu dittu ma di quali l’ombra hè stata propiu prisenti, quilla di u presidenti di l’Esecutivu, Paul Giacobbi. Emannuelle de Gentili hà dumandatu à l’alittori di fà « piantà ssu sistema perversu è autodistruttori », « quillu chì privatizeghja i soldi publichi fenduvi creda ch’ellu hè un unori d’uttena u vostru dirittu ». A numaru unu di a lista PS hà criticatu quì dinò senza citallu direttamenti à Jean Charles Orsucci, fendu allusioni à a so brama di firmà fora di a struttura PS è soprattuttu à u sustegnu chì Jean François Baccarelli l’hà arricatu. Tuttu què cù un scopu solu, essa prisenti à u sicondu ghjiru.
Steti à senta à Emmanuelle de Gentili.
Sur le même sujet
