Territoriales : fin de campagne en fanfare pour Femu a Corsica
(A redazzioni d'Alta Frequenza) - Una dimustrazioni di forza. Eccu comu si pudaria riassuma l’ultimu meeting di Femu a Corsica sottu à un tindonu vicinu à a piaghja di l’Arinella in Bastia davanti un publicu trapassendu largamenti i milli parsoni. Un meeting induv’ellu si sarà parlatu di u riacquistu ecunomicu purtatu da a lista, ma dinò di a ghjuventù, Femu dicendu ch’ellu hè sustinutu propiu da quissa quì. Dinò, s’è Gilles Simeoni è Ghjuvan Cristofanu Angelini si sò cuntintati di calchì fiacchina ver di Paul Giacobbi, Hyacinthe Vanni avarà rializatu cù putenza u travaghju di critica contr’à u presidenti di l’Esecutivu, chì saria u nimicu numaru unu di Femu a Corsica chì dici ch’ellu voli fà piantà un sistema. Infini, Gilles Simeoni hà porsu a manu à l’altri naziunalisti pà u trà i dui ghjiri è aldilà, ma dinò à quilli chì si vularani aduniscia inghjiru à un prughjettu di guvernenza, vali à dì Emmanuelle de Gentili è Jean Charles Orsucci. Ognunu duvarà fà sforzi, ancu Corsica Libera pà ciò chì tocca a nuzioni d’indipendenza, sicondu Gilles Simeoni.
Steti à senta à Gilles Simeoni.
