Territoriales : Jean-Christophe Angelini souhaite une convergence entre les courants nationalistes
(A Ridazzione d'Alta Frequenza) - L'accordi di mandatura sò beddi è boni, ma hè meddu à dà u favori à i naziunalisti. Eccu, in qualchì manera, u missaghju di Ghjuvan'Cristofanu Angelini mentri chì i Tarrituriali, l'ani tutti di più in più à menti. Si facini senta i presi di pusizioni, è mentri chì Insemi conta com'è pussibuli l'accordi di mandatura, com'è in mirria di Bastia, l'altri tindenzi naziunalisti, mudarati o indipindintisti, palesani da più à menu una vulintà di fà vincia u naziunalismu par ghjunghja à u puteri senza cumprumissi cù a dritta o a manca. Hè u casu di U PNC chì, s'iddu rimarca u puntu pusitivu d'avè parichji listi à u primu ghjiru, o ancu puri à u sicondu, augura issa volta chì a priurità sighi di metta in cumunu l'idei di tutti i muvimenti naziunalisti ghjuntu u mumentu di piddà u puteri, o, à minima, di fà vincia a famidda naziunalista senza passà accordi cù d'altri andaturi pulitichi. Stemu à senta à Jean-Christophe Angelini, intarvistatu mentri i Ghjurnati d'Arritti, induva erani prisenti riprisintenti d'Insemi è di Corsica Libara
