Territoriales : Jean Zuccarelli a présenté les caractéristiques de sa Garantie Républicaine
(A redazzioni d'Alta Frequenza) - La Garantie Républicaine. Un nomu chì faci pinsà à un cuntrattu d’assicuranza, è quì ghjustu appuntu, Jean Zuccarelli, Aline Castellani è François Casasoprana volini assicurà à i corsi un avvena sirenu in u quadru di a Republica francesi. Un avvena custruitu inghjiru à un prugramma. Jean Zuccarelli brama di fà di a Corsica una destinazioni ecunomica ricircata, grazia à una fiscalità incitativa. Voli risolva dinò u prublema di a frattura numerica cù una cullata di a parfurmenza internet inde l’internu. Dinò, La Garantie Républicaine s’arremba à un pianu Marshall contr’à a precarità, u ricusu sicuru di una cuufficialità di u corsu, discriminatoria sicondu a lista sustinuta da u Partitu Radicali di Manca, à prò di u bislinguisimu, è u bisognu di una dicintralisazioni di a cullittività unica.
Steti à senta à Jean Zuccarelli.
