Territoriales : l'union de Corsica Libera et de Femu "Per a Corsica"
(A redazzioni d'Alta Frequenza) - Era annunziata, era privista, ed hè ufficiali : i dui listi naziunalisti Femu a Corsica è Corsica Libera, purtati da Gilles Simeoni è Ghjuvan Guidu Talamoni, ani trovu un accordu pà fà una fusioni pà u sicondu ghjiru di l'alizzioni tarrituriali. Ssa lista cumuna si chjama "Per a Corsica". L'accordu hè intarvinutu in a sirata (luni). Ramintemi chì in u quadru di u primu ghjiru, a lista purtata da Gilles Simeoni è Ghjuvan Cristofanu Angelini hà uttenutu 17,62% di i voti, mentri chì quilla purtata da Ghjuvan Guidu Talamoni hà racoltu 7,72% di i voti. Ssa fusioni metti i naziunalisti in bona pusizioni pà u sicondu ghjiru chì sarà strintu in tutti i casi.
