Territoriales : la campagne se poursuit pour Dominique Bucchini
(A redazzioni d'Alta Frequenza) - A campagna eletturali, s'ella ùn hè micca infiarata, hè intruta par avà in un tempu attivu. Hè vera chì u 6 di dicembri s'avvicina à più pudè è ch'ellu ferma pocu tempu oramai à i dodeci listi pà cunvincia l'alittori di Corsica. Cunvincia, hè ghjustu appuntu a difficultà parchì parechji citadini, torna oghji, ùn cunnoscini micca di manera pricisa u rollu di a CTC in a vita publica di l'isula. In meeting arisera (marcuri) in Aiacciu, a lista PCF-Front de Gauche hè vultata assai annant'à ciò chì custituisci oghji l'inchietudini di citadini numarosi: disimpiegu, precarità, vita cara, alloghju è annant'à i risposti ch'ella pò è ch'ella devi dà a raprisintazioni pulitica. Comu l'alittori riesci à fà a so scelta trà l'infurmazioni propiu cuntradittorii purtati da tribuna in tribuna da i sfarenti listi ?
Steti à senta à Dominique Bucchini, u numaru unu di a lista PCF-Front de Gauche.
Sur le même sujet
