Territoriales : le FN-RBM-Fiamma Corsa très confiant
(A redazzioni d'Alta Frequenza) - Avvezzu à u rollu di figuranti duranti l'ultimi tarrituriali, u Front National-Fiamma Corsa-Rassemblement Bleu Marine pudaria bè veda evuluà u so rollu. Rinfurzatu da risultati impurtanti à dui sciffri duranti i dipartimintali in Bastia è in Aiacciu, u partitu di Marine Le Pen si vedi bè vultà à l'Assemblea di Corsica, induva u FN ùn hè più statu prisenti dipoi u 1992. U scopu hè chjaru quillu d'escia cù un risultatu à dui sciffri à u primu ghjiru. Par quissa, i classichi di u FN è di a so lista Per Un Avvene Corsu sarani quì com'è l'immigrazioni è l'insecurità. Malgradu tuttu, a lista purtata da l'editori è stampatori bastiacciu Christophe Canioni t'avarà i so particularità, dighjà in una campagna cù metudi di più à a marghjina di pettu à ciò chì si faci in cuntinenti, ma dinò cù una difesa di a cultura corsa è di l'Università di Corsica, ancu s'è a lista ferma contr'à a cuufficialità.
Steti à senta à Christophe Canioni, u numaru unu di a lista FN-Fiamma Corsa.
Sur le même sujet
