Territoriales : le Front de Gauche veut mobiliser contre la misère et l'austérité
(A redazzioni d'Alta Frequenza) - A sola lista di manca chì ùn avissi micca a vargogna d’essa di manca. Eccu com’ella si difinisci a lista Front de Gauche di Dumenicu Bucchini, chì hà urganizatu un meeting in u teatru di Bastia ssu luni. Ci sò stati attacchi contr’à u numadisimu puliticu, a diritta ultraliberali, u Front National è ancu, ind’è certi membri di a lista, contr’à u naziunalisimu corsu, Francis Riolacci fendu un paragonu trà a summersioni migratoria dinunziata da u Front National, è a summersioni demugrafica amintata da Corsica Libera. Ma c’hè statu dinò è soprattuttu, in un meeting chì s’hè compiu cù a Marsighjesa eppo l’Internaziunali, tramindui à capella, un discorsu annant’à i fundamenti di u prugramma di u Front de Gauche, a lotta contr’à a miseria. U Front de Gauche pruponi par asempiu di dà i crediti attribuiti in ssu mumentu à l’intrapresi in u quadru di u CICE à un fondu di lotta contr’à l’inghjustizi suciali, da fà chì a Corsica ùn sighi più « campiona di Francia di a precarità è di l’inugualità ». S’ellu hà criticatu cù forza a cullittività unica, Dumenicu Bucchini hà missu in risaltu torna malgradu tuttu a lealtà chì hè stata a soia, cù u Front de Gauche, di pettu à u presidenti di l’esecutivu Paul Giacobbi duranti a mandatura chì s’hè compia appena avà, una lealtà « autonoma » sicondu l’ultimu presidenti di l’Assemblea di Corsica.
Steti à senta à Dumenicu Bucchini.
Sur le même sujet
