Territoriales : les instances nationales du Parti Socialiste cadrent les possibles alliances
(A redazzioni d'Alta Frequenza) - À calchì ghjornu di i tarrituriali, Emmanuelle de Gentili è Jean Baptiste Luccioni ani ricivutu a visita di un raprisintanti di u Partitu Sucialistu à u nivellu naziunali, u secretariu naziunali Christophe Borgel, in carica di u polu "Animazioni, alizzioni è vita di u Partitu". Un nomu micca famosu, ma l'attentati di Parighji ani cambiatu un prugramma chì prividia, prima, un grandi meeting in prisenza di u ministru di l'Ecunumia, Emmanuel Macron. L'uccasioni d'appruntà a strada sucialista pà ssi tarrituriali. Rialistu, Christophe Borgel sà chì u Partitu Sucialistu ùn sarà micca in pusizioni di forza, ancu contr'à l'altri listi di manca. Una spargugliera ch'ellu rigretta, ma dinò l'assenza di un'unioni cù Paul Giacobbi, ancu s'ellu ci cridaria sempri Christophe Borgel, una visioni propiu uttimista vistu u tafonu di spiccanza trà Emmanuelle de Gentili è Paul Giacobbi di più in più maiò i ghjorni passendu. È pà ciò chì tocca altri allienzi trà di i dui ghjiri, par asempiu cù i naziunalisti ? Pari chì l'indipendenza sighi un ostaculu impussibuli à trapassà.
Steti à senta à Christophe Borgel.
Sur le même sujet
