Territoriales : les positions respectives d'Emmanuelle de Gentili et Jean Zuccarelli
(A redazzioni d'Alta Frequenza) - Leghja à mezu à i filari! Eccu ciò ch'elli duvarani fà l'alittori d'Emmanuelle de Gentili è di Jean Zuccarelli pà u 2ndu ghjiru di dumenica.
A prima hà bè presu cunniscenza di a dumanda diretta di sustegnu di u PS naziunali à Paul Giacobbi. Eppuru, dici ss'ultima, "semi fideli à l'analisi annant'à a guvernenza è annant'à i cumpurtamenti pulitichi, analisi chì ci hà purtatu à prisintacci in una dimarchja aparta à manca". La Corse qui Ose stima dunqua chì "citadini libari devini pighjà una dicisioni di una manera libara" è dici ch'ella voli cuntinuà à strutturà a dimarchja à partasi di u principiu di l'annata 2016.
Presa di pusizioni appena più chjara di a lista La Garantie Républicaine purtata da Jean Zuccarelli, chì stima ch'ellu ci voli più cà mai à "cuntrà u votu di cuntistazioni è i discorsi demagogichi". Jean Zuccarelli è i so cumpagni di lista incalcani dunqua in u so cumunicatu ufficiali annant'à u fattu chì di pettu à a "minaccia naziunalista, chjamemi i nostri alittori à vutà pà a lista ch'elli ghjudicarani a più qualificata pà difenda i valori republicani". U cumunicatu faci spuntà una cuscenza iputetica di l'alittori; si pò aghjustà chì un decoder pudaria essa utuli dinò.
Sur le même sujet
