Territoriales : objectif 7% pour Emmanuelle de Gentili & Jean-Baptiste Luccioni
(A redazzioni d'Alta Frequenza) - « La Corse qui Ose », o « Corsic’Ardita », eccu i nomi di l’iniziativa di u Partitu Sucialistu pà ssi tarrituriali. A lista, purtata da u ticchettu Emmanuelle de Gentili – Jean Baptiste Luccioni, hè un mischju di parsunalità sucialisti, ma dinò cù assai aparturi annant’à a sucità civili. À u nivellu puliticu, i prisenzi di Hyacinthe Mattei, à u quattriesimu postu, è d’Ange Pierre Vivoni, à l’ottesimu, facini nascia u dubbitu cuncirnendu un avvicinamentu pussibuli cù Paul Giacobbi trà i dui ghjiri. A prisenza di a cunsighjera tarrituriali attuali Benoîte Martelli in settesima hè dinò una di i prisenzi scarsi d’eletti di una lista cù una cunsighjera esecutiva è dui cunsighjeri tarrituriali di l’ultima mandatura, ma solu trè merri, cinqui aghjunti di merri è cinqui cunsighjeri municipali. Ssa lista, cù raprisintazioni chì mancani in u centru di a Corsica è u meziornu stremu, t’hà un scopu ambiziosu, quillu di fà à u minimu 7% a sera di u prima ghjiru, vali à dì mantenasi pà u sicondu ghjiru, o fà una fusioni cù una pussibilità più impurtanti pà neguzià.
Steti à senta à Emmanuelle de Gentili.
Sur le même sujet
