Territoriales : U Rinnovu met en avant son programme
(A redazzioni d'Alta Frequenza) - Hè a fini di a campagna pà u Rinnovu chì, duranti una cunfarenza di stampa stamani (marcuri) in Aiacciu, hà prisintatu u so prugramma pà a mandatura futura. Cù un discorsu in rumpitura vera cù l’altri naziunalisti o autunumisti, ancu s’ellu c’hè sempri ben intesu un ceppu cumunu, u Rinnovu hà vulsutu metta in risaltu a so diffarenza. Ritornu dunqua annant’à i fundamenti di u naziunalisimu, arrimbati soprattuttu à i valori culturali è à u rollu essenziali di u naziunalisimu annant’à u latu suciali. Serviziu publicu forti, accessu à l’alloghju, lotta contr’à a puvartà è a vita cara, U Rinnovu voli purtà un prughjettu ugualitariu è suciali da fà chì a Corsica pudissi sviluppassi senza essa spussessa.
Steti à senta à Gérard Dykstra, chì ùn hè micca annant’à a lista ma chì hè u portavoci di a lista purtata da Paul Félix Benedetti.
