Territoriales : une possible union PCF - FI fait bondir Jean-Luc Mélenchon
(A redazzioni d'Alta Frequenza) - Ssa dumenicata, nant'à i reti suciali, Michel Stefani, di u Partitu Cumunistu, hà fattu sapè ch'elli c'erani neguziati avanzati cù i raprisintanti corsi di a France Insoumise pà i tarrituriali, amintendu "trè riunioni di travaghju par elaburà un accordu puliticu cù a FI nant'à a basa d'un prughjettu cumunu raprisintatu da una lista cumuna." S'è in Corsica, l'affari si passa soca piuttostu bè trà i dui parti, u capimachja di l'Insoumis, Jean Luc Mélenchon, si saria strangulatu davanti à ssa perspettiva. In fatti, nant'à u so contu Twitter, Jean Luc Mélenchon hà amintatu "insoumis" chì ani "ingaghjatu una lista cù u PCF in Corsica senza pighjà nisun avisu". Di fatti, Jean Luc Mélenchon annunzia ch'ellu "ùn susteni micca ss'iniziativa è cundanna ssa cucina di gattiva qualità". Duranti l'ultimi legislativi, i candidati di i dui partiti ani racoltu ramintemula 9 503 voti, 5 064 pà a France Insoumise è 4 439 pà u Partitu Cumunistu.
