Tirs contre la gendarmerie de Pietrosella : des peines de 8 et 18 mois de prison ferme
(A redazzioni d'Alta Frequenza) - I dui ghjuvanotti di 19 è 22 anni sò stati ghjudicati ssu luni ind’u quadru di l’inchiesta annant’à i tiri contr’à a gendarmeria di Pitrusedda ind’a sirata di l’8 di sittembri. Arristati ghjovi, aviani ricunnisciutu i fatti abbastanza in furia. Franck Tezekdjian, chì hà riccunisciutu ch’ellu era u tiradori, hè statu cundannatu à 18 mesi di prighjoni, mentri chì u so cunduttori, Kevin Le Cam, hè statu cundannatu à 8 mesi, mentri chì u ministeru publicu avia dumandatu 4 è 3 anni contr’à elli. Sò stati incarcerati subbitu.
