Tirs de roquette contre des gendarmeries: condamnation de Manuel Valls
(A redazzioni d'Alta Frequenza) - Dopu à i tiri di rucchetta chì ani toccu gendarmerii in Aiacciu è in Montesoru, u ministru di l'Internu hà riagitu à lestra, cundannendu, ind'un cumunicatu, ss'atti quì. Manuel Valls hà vulsutu insista nant'à "a gravità strema di ss'atti contr'à lucali publichi, didicati à a prutezzioni di i corsi, cù nentru gendarmi è i so famighji, è simbuli di u Statu republicanu. Susteni di sicuru di manera tutali i gendarmi di Corsica è i so famighji". U ministru hà dittu dinò chì "ss'atti ùn impidisciarani mancu appena u Statu di rializà a so azzioni di sempri ind'a lotta contr'à tutti i formi di criminalità è di delinquenza. Ss'ultimi settimani, gendarmi è pulizzeri ani rializatu nant'à l'isula arristazioni numarosi pà affari di terrurisimu è di criminalità urganizata. Uttenini risultati inde affari di racket o d'estursioni, chì parini diragnà quilli chì volini renda a viulenza maestra in Corsica. Tuttu sarà missu in opara pà ritruvà l'autori di ss'atti intularabili", hà compiu Manuel Valls.
