Titres de propriété : l'exemple de Monaccia d'Aullène
(A redazzioni d'Alta Frequenza) - Hè un'iniziativa impurtanti ch'ella hà purtatu a cumuna di Monaccia d'Auddè in materia di rigularisazioni di i tituli di prupietà. Si pò pinsà o spirà in tutti i casi ch'ellu ghjuvarà d'asempiu parchì ssa cumuna hà finalizatu chì hè pocu cù u GIRTEC a rigularisazioni di i tituli di prupietà trattendu 88 pezzi di tarreni è 458 ettari di bè cumunali. A cumuna di Monaccia, com'è parechji cumuni di Corsica, ùn avia micca tituli di prupietà annant'à i so bè cumunali è l'usu hà fattu chì dipoi dicennii, o seculi ancu, custruzzioni sò stati fatti annant'à a tarra cumunali. I cunsiquenzi pà a municipalità erini sprupusitati ma dinò pà i prupietarii chì ùn pussidiani micca in fatti u tarrenu induva elli aviani custruitu, ciò chì ci spieca i prublemi ghjuridichi impurtanti dinò. In Monaccia d'Auddè, s'hè dicisu di falla finita cù ssa situazioni, com'ellu a ci dici Marc Luciani, u so merri elettu torna pocu fà.
Steti à senta à Marc Luciani.
