Top départ pour Inseme per Bastia dans la course des municipales de 2014
(A redazzioni d'Alta Frequenza) - Vennari scorsu s’hè tinuta l’assemblea ghjinirali annuali d’Inseme per Bastia, u gruppu puliticu municipali purtatu da Gilles Simeoni. È ci voli à dì la, iss’assemblea ghjinirali era propiu particulari di pettu à quilli scorsi postu ch’ella marcava, à l’ingrossu, u principiu di a campagna pà l’alizzioni municipali bastiaccia di u 2014. Una campagna chì principia prestu, chì l’ustilità drentu à a maghjurità municipali trà Emile Zuccarelli è François Tatti aviani dighjà lanciatu. À diciasetti mesi di l’alizzioni, u scopu di iss’assemblea ghjinirali chì hà adunitu parechji ghjenti era chjaru : pona i basi chì purtarani Inseme per Bastia à pusà ind’un futoghju di merri à manca di modu solidu dipoi parechji dicennii. Parechji attelli di riflessioni cù tematichi bè pricisi sò stati aparti pà racoglia l’idei di i militanti, è aldilà di tutti i bastiacci da custruiscia u prughjettu chì ci voli.
On écoute Gilles Simeoni.
Sur le même sujet
