Tourisme: fait-on fausse route en matière de choix stratégiques ?
(A redazzioni d'Alta Frequenza) - A staghjoni turistica hè stata bona, a staghjoni turistica hè stata gattiva! Com'è ogni annu à listessa epica i dui lati di una stessa midaglia ghjirani è s'upponini aspittendu di veda da chì cantu si cascarà. Quist'annu hè u "cercle des Grandes Maisons de Corse", gruppu di i più belli insegni di l'isula chì hà fattu cunnoscia i so inchietudini - è ancu appena di più cà què - annuziendu u disimpiecu di a maiò parti di u parsunali. Da un'antra banda, tuttu ognunu hà pussutu custatà chì quist'annu - u tempu ci hè forsa pà calcosa - a staghjoni turistica s'hè prulungata fin'è i Santi. Si pighja a gattiva strada à u nivellu di i scelti strategichi pà ciò chì tocca u turisimu isulanu?
Steti à senta a risposta franca è chjara di Vanina Pieri, a presidenti di l'Agenza di u Turisimu di a Corsica.
Sur le même sujet
