Trafic de stupéfiants : un réseau présumé de neuf personnes démantelé en Haute-Corse
(A redazzioni d'Alta Frequenza) - L’affari di droghi si multiplicheghjani in Corsica Suprana. Sta volta, hè una reta pussibuli di novi parsoni inghjiru à Talasani chì hè stata sciolta pocu fà da i gendarmi. Tuttu cumencia cù un’inchiesta nant’à un affari di siquestrazioni è di viulenzi in riunioni, ricullendu di ghjunghju scorsu. Duranti à una parquisizioni ind’u suspettu numaru unu, da tandu ghjudicatu è cundannatu à trè anni di prighjò frà i quali dui di modu attimpatu inde st’affari, l’investigatori ani avutu una bella suspresa. In fatti, quantità sprupusitati di cannabis sottu à formi diversi, cocaina, matiriali è soldi sò stati ritrovi in casa soia. Vistichendu issa via quì, altri scuparti sò stati fatti, purtendu l’affari à 22 chilò di cannabis è à calchì millai d’auri. Frà issi novi parsoni, sei sò stati missi sottu à i marchjoni è trè sottu à cuntrollu ghjudiziariu. A maiò parti di i suspetti essendu vicini di quillu numaru unu.
On écoute le procureur de la République de Bastia, Dominique Alzeari
Sur le même sujet
