Traitement de l'eau de la CAB : la colère des agents de l'OEHC
(A redazzioni d'Alta Frequenza) - Ssu luni, l'agenti di l'Uffiziu Idrolicu in carica di l'assanimentu è di a distribuzioni di l'acqua pà a Cumunità d'Agglumerazioni di Bastia ani manifistatu davanti a prifittura di Corsica Suprana. In fatti, quissi quì sò assai inchieti mentri chì u cartulari di l'affittu di l'acqua ùn hè ancu statu saldatu da a CAB in cunsighju cumunitariu, ciò chì faci crescia u timori pà ssa situazioni à u 1a di ghjinnaghju, u cuntrattu attuali cumpiendusi u 31 di dicembri. È infini, l'agenti s'inchietani pà u so avvena dopu à ssa data, timendu di perda a so situazioni salariali attuali, è i vantaghji liati, chì l'affittu sighi attribuitu infini à l'OEHC o ripresu in regia intercumunali. Duvariani essa ricivuti ssu marti da u prifettu di Corsica Suprana, Alain Rousseau.
Steti à senta à Patrick Graziani, dilegatu sindicali CGT-FO.
Sur le même sujet
