Transparence dans les emplois : la mairie de Bastia répond à François Tatti
(A redazzioni d'Alta Frequenza) - Dopu à l'attaccu di François Tatti contr'à u merri di Bastia Gilles Simeoni, dumandenduli a trasparenza pà ciò chì tocca a gistioni di l'impieghi municipali è di dà un bilanciu pricisu di l'impieghi municipali oghji, dicendu ch'ellu ùn l'hà mai uttenutu, a merria di Bastia hà rispostu. A merria è micca u merri, parchì ùn hè micca Gilles Simeoni chì hà cumunicatu, ma u direttori generali di i servizi di a cità, Jean Louis Santoni. Oghji, a merria impiega 661 agenti municipali, vali à dì u listessu numaru cà à u mumentu di a presa di puteri di a municipalità attuali d'aprili di u 2014, quarantatrè partenzi à a ritirata essendu stati arrighjistrati pà quarantatrè ghjunti. Un numaru chì sarà da quì à pocu di 667, sei impieghi essendu criati in u quadru di l'apartura ricenti di u centru culturali di l'Alb'Oru in Lupinu. Hè statu pricisatu dinò chì u cunsighju municipali era statu infurmatu di ghjunghju di u bilanciu di l'impieghi in a merria grazia à u contu amministrativu, è chì u 22 di dicembri chì veni, quissu quì sarà infurmatu torna cù una scheda pricisa di i posti, di i mutivi d'impiegu, di l'indizi di paga è di i categurii.
Steti à senta à Jean Louis Santoni, u direttori generali di i servizi di a merria di Bastia.
