Transports : Femu a Corsica n'a pas voté les nouvelles orientations
(A redazzioni d'Alta Frequenza) - S'è c'hè un cartulari più cà difficiuli à l'Assemblea di Corsica, ed hè sempri cusì, hè bè quillu di i trasporti. È i trasporti à tutti i so nivelli parchì chì ancu s'è ognunu poni a so propia prublematica, asisti frà tutti un sistema chì si cunsuma à l'usu, di passaghju mutuali pà essa più chjaru. Pà fà simplici, si pò dì chì, cù mezi pari, o ancu nant'à a calata vistu l'epica campata, un'ecunumia, ancu puru impurtanti ind'un settori, sarà subbitu rimandata nant'à un antru settori. S'è prima s'hè pussutu cunnoscia a situazioni à l'arringuerciu, si spugliava l'aereu da vesta meghju u maritimu, oghji hè iss'ultimu chì paca. A SNCM s'hà da riducia, a Corsica Ferries hà da perda una parti impurtanti di i so ricetti è l'usadori pirdarà tuttu simpliciamenti l'aiutu suciali. A mancanza di leia trà u sistema di trasporti di l'isula, passatu, prisenti è à vena, è u sviluppu ecunomicu di a Corsica hà purtatu u gruppu Femu a Corsica à ùn vutà micca i novi urientazioni in materia di trasporti.
Écoutez Gilles Simeoni
Sur le même sujet
