Transports maritimes et DSP : l'avis de Tony Sindali
(A redazzioni d'Alta Frequenza) - Hè dumani (vennari) chì l'Assemblea di Corsica studiarà un raportu d'infurmazioni rilativu à l'allarghera di u perimetru di a dilegazioni di serviziu publicu maritimu. Ci voli à allargà u serviziu publicu nant'à u portu di Tulò, è di fattu ridà a suprana à a SNCM ? A dumanda, si sà, hà infiaratu i mezi sociu prufessiunali è pulitichi di l'isula dipoi parechji ghjorni. Issu raportu d'infurmazioni, chì com'è a dici u so nomi ùn sarà micca purtatu à u votu, volta nant'à iss'affirmazioni più cà chjara : "vulemi allargà u perimetru di a prossima dilegazioni di serviziu publicu maritimu nant'à Tulò". U ghjocu hè dunqua postu di modu chjaru da a parti di l'Esecutivu di Corsica, ciò chì laca spuntà dibattiti infiarati. Tony Sindali cunnosci bè a quistioni, par essa statu presidenti di l'Uffiziu di i Trasporti sottu à l'ecchisi mandatura.
Ecoutez Tony Sindali.
Sur le même sujet
