Transports maritimes: Hyacinthe Vanni monte au créneau
(A redazzioni d'Alta Frequenza) - Ùn ci sarà micca novi dilegatarii di u serviziu publicu pà i trasporti marittimi nanzi à a fin di l'istati. Eccu ciò chì si ritinarà di a riunioni, a settimana scorsa à l'Assemblea di Corsica. A suluzioni annunziata pà u principiu di lugliu, eppo pà a fin di lugliu s'hè alluntanata, è annunzià oghji una nova data pari essa propiu difficiuli. L'Assemblea di Corsica chì studiava l'avisu di a Camara Righjunali di i Conti nant'à a situazioni finanziaria di l'uffiziu di i trasporti hè partuta dunqua torna nant'à un dibattitu novu nant'à i trasporti marittimi di l'isula, ma ci voli bè à dì, pà difenda la, chì i dui sughjetti sò liati di manera stretta. À u nivellu puliticu, a diritta hè stata assenti di modu tutali, torna una volta inde ssu dibattitu. Marie Antoinette Santoni Brunelli hè dipoi un pezzu a più putenti ind'a so squadra nant'à ssu cartulari; è ùn s'hè micca scurdata torna una volta di dà a so pusizioni. Hyacinthe Vanni, cunsighjeru tarrituriali Femu a Corsica, hè intarvinutu nant'à ssu cartulari di manera viva. Hà insistutu assai frà altru nant'à l'assenzi ripituti duranti riunioni di i sfarenti cunsighji d'amministrazioni. Sicondu ellu, a situazioni attuali hè direttamenti inghjinnata da l'urganisazioni di u travaghju à l'assemblea di Corsica.
Ecoutez-le.
Sur le même sujet
