Transports maritimes : le Jean Nicoli bloqué à quai à Ajaccio
(A redazzioni d'Alta Frequenza) - È avà dui ! Hè cusì chì si pudaria riassuma a situazioni in i trasporti marittimi, in tutti i casi quilli cuncirnendu i battelli di l'anziana SNCM. Dopu à u Pascal Paoli arimani (ghjovi) in Bastia, tocca à u Jean Nicoli d'essa bluccatu in u portu d'Aiacciu. A raghjoni di a zerga di i marinari di u STC : u fattu chì u cartulari ùn muvissi più, chì ùn avanza micca ma chì pari ch'ellu rinculessi di più in più. U cumitatu d'intrapresa di a MCM, urganizatu stamani (vennari) in Marseghja, ùn hà datu torna nulla di novu. A collera di i marinari hè putenti, parchì li si pari di più in più d'essa a risorza chì si faci cambià in prima sicondu i bisogni pà prublemi chì li scappani.
Steti à senta à Christophe Versini, portavoci di u STC di i marinari di u Jean Nicoli.
Sur le même sujet
